Zehni bemaari
Paagalpan kay dowre
Koi nahi samjh pata
Ke yeh kya hai mujhe
Hazaar ehsaas chuppe
Aur sow savaal hain dabbe howe mujh mein
Maggar keh mein kuch bhi nahi sakta
Kyoun ke,
Koi samajh ne waala nahi hai in hein
Jo bhi mein kehta houn
Mere khilaaf istimaal kiya jaata hai
Davaaeyaan nahi chahiye mujhe
Bus sunne aur samjh ne ke liye mujh ko aik insaan aisa chahiye
Jo apne faidey ke liye nahi
Apne dil se mere dukh dard aur sukh ko pehchaane
Awaaz tow mujhe uthaane de
Chand pal ke liye mujhe bhi jeene de
Darr itna ke bekhauf ban geya
Dard ka sumandar
mein ab ban geya houn
Parr phir bhi muskuraane ki kowshish karta houn
Muskuraaoun ya roun mein saikhroun arboun aasoun
Kissi ko ab kya hai farq parta
Bahaana ban gaeey hain meri parishaaniyaan
Barre taaleemiaafta laugoun ke liye,
Kya faida aisi kaamyaabi ka
Jab koi insaaniyat he nahi ab rahi hai
Jab harr darvaaza band ho geya tha
Aur pinjire mein jaise qaid apne aap ko maine paaya
Jab khuda ke saamne bhi
Duaoun mein kuch maang tha nahi paa raha
zindagi na maut ka koi aik bhi maqsad mila
Bauj sa ban geya houn
Mein kahein ka nahi raha
Jab harr raaste pe sirf milla andhera
Phir jaa ke mein apni
Azmaaish ko samjha
Sow zakhm aur savaaloun ke saath
Mein tha muskuraaya aur hass ke jiya
Tera hai shukkar mere parwardigaar
Tu ne mera saath nahi chohra
Kharaab ho geya houn mein
Iss dunya mein aa ke
Apne jahaan mein
Jab mein waapis laut ke aaounga aap ke paas
Please yeh aainda se hone nahi dena
Mere dukh aur dard ko kabhi bhi
Aainda apna nahi bannana